Noticias e alertas

A Praza do Seixo concentra dúas das citas musicais do fin de semana

04/08/2022

A Axenda de Verán 2022 do Concello de Tomiño continúa cas súas actividades programadas para a primeira semana do mes de agosto.


Este fin de semana a Praza do Seixo de Tomiño concentrará dúas das actividades principais. O sábado, 6 de agosto (22.30h), o ciclo 𝐎 𝐒𝐨𝐧 𝐝𝐚𝐬 𝐏𝐫𝐚𝐳𝐚𝐬 “Fixe Trío” fará vibrar cunha mestura de raíces galegas e portuguesas coa interpretación de obras populares e de creación. Na posta en escena poderase desfrutar do son da voz, do cello e da guitarra, e tamén doutros timbres coma os do violín, as frautas e instrumentos de percusión.


E o domingo 7 porá o broche de ouro de 𝐔𝐧 𝐕𝐞𝐫á𝐧 𝐝𝐞 𝐁𝐚𝐧𝐝𝐚𝐬, a actuación da Banda de Música Municipal de Valga (12.00h). Esta banda xorde da Escola de Música de Valga, fundada en 1996. A formación ten participado en numerosos festivas de Galicia, España e Portugal. Con moitos premios no seu haber, a formación conta cun repertorio que inclúe dende grandes clásicos (como ‘A lenda de Montelongo’), ata pezas menos coñecidas, como ‘Memorias de Gallaecia”.


Por outra banda, o venres 5 de agosto, proxectarase na Praza Pintor Antonio Fernández, de Goián (22.30h), o multipremiado documental “O Gran Camiño”, na primeira cita do ciclo 𝐂𝐢𝐧𝐞 𝐧𝐚 𝐑ú𝐚 e, doutro lado da fronteira, no Auditorio de Vila Nova de Cerveira, celebrarase o concerto de Sam The Kid e Mundo Segundo, organizado pola Eurocidade Cerveira-Tomiño.

The post A Praza do Seixo concentra dúas das citas musicais do fin de semana first appeared on Concello de Tomiño.

Máis información

Cerrar [X]Uso de cookies

Utilizamos cookies propias y de terceros para mejorar nuestros servicios y recopilar datos estadísticos sobre hábitos de navegación. El uso de cookies es necesario para la notificación de incidencias. Si continúa navegando, consideramos que acepta su uso. Puede obtener más información, o bien conocer cómo cambiar la configuración, en nuestra Política de cookies